Kurchundunu Nee Sannidhilo - కూర్చుందును నీ సన్నిధిలో

కూర్చుందును నీ సన్నిధిలో – దేవా ప్రతి దినం

ధ్యానింతును నీ వాక్యమును – దేవా ప్రతి క్షణం    ||2||

నిరంతరం నీ నామమునే గానము చేసెదను

ప్రతి క్షణం నీ సన్నిధినే అనుభవించెదను ||కూర్చుందును||

1. ప్రతి విషయం నీకర్పించెదా

నీ చిత్తముకై నే వేచెదా    ||2||

నీ స్ఫూర్తిని పొంది నే సాగెదా    ||2||

నీ నామమునే హెచ్చించెదా    ||2||

నా అతిశయము నీవే – నా ఆశ్రయము నీవే

నా ఆనందము నీవే – నా ఆధారము నీవే

యేసూ యేసూ యేసూ యేసూ.. ||కూర్చుందును||

2. ప్రతి దినము నీ ముఖ కాంతితో

నా హృదయ దీపం వెలిగించెదా    ||2||

నీ వాక్యానుసారము జీవించెదా    ||2||

నీ ఘన కీర్తిని వివరించెదా    ||2||

నా దుర్గము నీవే – నా ధ్వజము నీవే

నా ధైర్యము నీవే – నా దర్శనం నీవే

యేసూ యేసూ యేసూ యేసూ.. ||కూర్చుందును||