Karunaa Sampannuda - కరుణా సంపన్నుడా

కరుణా సంపన్నుడా ధీరుడా సుకుమారుడా  

నీ ప్రభావ మహిమలనే నిరంతరం నేను ప్రకటించెదా  ||2||

నాపైన ప్రేమ చూపించి నా కొరకు త్యాగమైతివే

నా యేసయ్యా సాత్వీకుడా

నీకోసమే నా జీవితం   ||కరుణా||

1. ఏ నాడు నను వీడని  -  నీ ప్రేమ సందేశము

నా హృదయసీమలోనే  -  సందడిని చేసెను  ||2||

అణువణువును బలపరిచే  -  నీ జీవపువాక్యమే

ప్రతిక్షణము దరిచేరి  -  నన్నే తాకెను   ||2||

ఆ వాక్యమే ఆరోగ్యమై జీవింపజేసి నన్నే నడిపించెను   ||కరుణా||  

                                                   

2. ఈ వింత లోకంలో -  నీ చెంత చేరితిని

ఎనలేని ప్రేమలోనే -  ఆదరణ పొందితిని  ||2||

నీ కృపలో నిలిపినది - నీ ప్రేమబందమే

అనుదినము మకరందమే - నీ స్నేహబంధము  ||2||

ఆ ప్రేమలోనే కడవరకు నన్ను నడిపించుమా -  స్థిరపరచుమా  ||కరుణా||


3. నే వేచియున్నాను -  నీ మహిమ ప్రత్యక్షతకై

నాకున్నా ఈ నిరీక్షణనే - సన్నిధిలో నిలిపినది  ||2||

నా కోసం నిర్మించే - సౌందర్యనగరములో

ప్రణమిల్లి చేసెదను -  నీ పాదాభివందనం ||2||

తేజోమయా  నీ శోభితం -  నే పొందెద కొనియాడెద  ||కరుణా||