Ghanamainavi nee karyamulu - ఘనమైనవి నీ కార్యములు

ఘనమైనవి నీ కార్యములు నా యెడల

స్థిరమైనవి నీ ఆలోచనలు నా యేసయ్యా ||2||

కృపలను పొందుచు కృతజ్ఞత కలిగి

స్తుతులర్పించెదను అన్నివేళలా ||2||

అనుదినము నీ అనుగ్రహమే

ఆయుష్కాలము నీ వరమే ||2|| ||ఘనమైనవి||

1. యే తెగులు సమీపించనీయక

యే కీడైన దరిచేరనీయక

ఆపదలన్ని తొలగే వరకు

ఆత్మలో నెమ్మది కలిగే వరకు ||2||

నా భారము మోసి – బాసటగా నిలిచి

ఆదరించితివి

ఈ స్తుతి మహిమలు నీకే – చెల్లించెదను

జీవితాంతము ||ఘనమైనవి||

2. నాకు ఎత్తైన కోటవు నీవే

నన్ను కాపాడు కేడెము నీవే

ఆశ్రయమైన బండవు నీవే

శాశ్వత కృపకాధారము నీవే ||2||

నా ప్రతిక్షణమును నీవు – దీవెనగా మార్చి

నడిపించుచున్నావు

ఈ స్తుతి మహిమలు నీకే – చెల్లించెదను

జీవితాంతము ||ఘనమైనవి||

3. నీ కృప తప్ప వేరొకటి లేదయా

నీ మనసులో నేనుంటే చాలయా

బహు కాలముగా నేనున్న స్థితిలో

నీ కృప నా యెడ చాలునంటివే ||2||

నీ అరచేతిలో నను – చెక్కుకుంటివి

నాకేమి కొదువ

ఈ స్తుతి మహిమలు నీకే చెల్లించెదను

జీవితాంతము ||ఘనమైనవి||