Sajeevudavaina Yesayya - సజీవుడవైన యేసయ్యా

సజీవుడవైన యేసయ్యా నిన్నాశ్రయించిన నీవారికి -
సహాయుడవై తృప్తిపరచితివే - సముద్రమంత సమృద్ధితో ||2||
ఆనందించెద నీలో - అనుదినము కృపపొంది    
ఆరాధించెద నిన్నే - ఆనంద ధ్వనులతో  ||2||   ||సజీవుడవైన||

1. ధనరాసులే ఇల ధనవంతులకు ఈలోకభాగ్యము
దాచినమేలులెన్నో దయచేసినావే - ఇహపరమున నాకు  ||2||
శ్రమల మార్గమును - నిరీక్షణ  ద్వారముగ చేసితివే
శ్రేష్ఠమైననీ వాగ్దానములతో  ||2||     ||సజీవుడవైన||

2. క్షేమము నొందుటయే సర్వజనులకు ప్రయాసగామారె
క్షేమాధారమునీవై దీర్ఘాయువుతో - సంతృప్తి పరతువు నన్ను  ||2||
నిత్యనిబంధనగా నీవాత్సల్యమును చూపితివే
నిత్యమైననీ సత్యవాక్యముతో  ||2||   ||సజీవుడవైన||

3. నలువది యేండ్లు నీస్వాస్థ్యమును మోసినది నీవే
నీ కృపా కాంతిలో నాచేయివిడువక - నడిపించుచున్నది నీవే  ||2||
పరమరాజ్యములో మహిమతోనింపుటకు
అనుగ్రహించితివే పరిపూర్ణమైన నీ ఉపదేశమును   ||సజీవుడవైన||